逆天奇案2丨翟威廉追斬林景程慘遭假天花擊中　方力申獲視后林夏薇傳授記對白秘訣

陳展鵬、林夏薇、馮盈盈、黃智賢、蔣祖曼、張頴康、劉佩玥、方力申及高鈞賢等主演TVB劇《逆天奇案2》，昨晚（4月5日）單元「龍頭棍風暴」落幕，偷走龍頭棍的真兇正是「John哥」姜大衞飾演的賀堅，而目的原來是為了孫仔。

賀堅不欲黑社會背景影響到乖孫的成長，因此設計一場大龍鳳將龍頭棍偷走，欲打退兒子賀永權（林景程飾）爭做龍頭的野心，希望一家人移民外地展開新生活。

逆天奇案2丨林景程喜與姜大衞合演父子　獲John哥親授喊功：真係可以講得上係活寶藏

▲ 《逆天奇案2》

33度高溫下拍打戲

可惜永權被權欲熏心執意爭做龍頭，與死對頭耀星（翟威廉飾）鬥生鬥死，兩人在貨櫃場打大出手，永權更差點取了耀星的性命，最終森Sir（陳展鵬飾）趕到現場成功阻止悲劇發生。

當中，林景程與翟威廉的打鬥戲雖然只有約1分半鐘，但拍攝過程不簡單。據官方釋出相關場面花絮片段，翟威廉拿刀揮斬景程時，屋頂其中一塊天花意外落下，並狠狠擊中威廉的額頭，幸好威廉並沒有大礙，休息一會便重新投入拍攝，非常專業。

拍攝當日正值33度高溫，穿着長袖的兩人不但要奪命狂奔，還要瘋狂埋身肉搏，兩人賣力演出拍到身水身汗。

阿Wing對冠峰有感覺

劇中主演的感情線亦是《逆天奇案2》的看點之一，昨晚劇情，Nic Sir（黃智賢飾）和Hazel（蔣祖曼飾）翻撻後首度過情人節，溫馨甜蜜滿瀉；與阿Wing（林夏薇飾）分手的森Sir眼見街裏愛人一對對，自己卻形單隻影自隊雙餸飯，不禁黯然神傷。

另邊廂，阿Wing與天才生物學教授唐冠峰（方力申飾）在大學中邂逅，冠峰駕車載穎思一程，期間兩人大談愛情觀，冠峰認為愛情根本不存在：「大腦分泌出愛情感覺，大概會喺1年半到3年之後，呢種感覺就會消失，但係呢段時間足夠畀人類完成兩性結合同生育，愛情只係基因繁殖機制。」

阿Wing則不太認同：「我覺得除咗基因繁殖之外，人類之間仲有陪伴同埋承諾，呢啲都包括喺愛情。」冠峰聞言再拋下大量學術術語反駁她，雖然直男指數爆晒標，但阿Wing對冠峰似乎有特別的感覺。

科學理論解釋「愛情」

當中，飾演天才生物學教授的方力申（Alex）的角色理性大於感性，事事都以科學理論來解釋，甚至於覺得「愛情」都是假。

Alex受訪時透露靠幻想代入角色：「角色細細個就被老竇帶去荒島做科研，童年淨係得讀書同做研究，我嘗試用屋企嘅情況套番落角色，如果我老竇淨係同我講運動，搬去一個地方淨係練水，日日都係咁練，我都會感受到呢個痛苦，用呢個感受代入番個角色。」

講到劇中要面對大量繞口劖手的專業術語對白，Alex透露獲視后檔林夏薇傳授秘笈：「薇薇教我可以錄低再翻聽，呢個方法啱晒我，因為每日都要揸成個幾鐘頭車，呢個方法好處係去到邊都可以聽，好似聽廣播劇咁，仲有可以聽番覺得演繹得好唔好，如果唔鍾意呢個方法就再錄過，確實幫咗我好多。同埋劇中有好多專業術語同埋英文，所以事前都要做足Research。」

劇中，Alex直男指數爆晒標，問他現實中的愛情觀時，笑言：「感情方面唔係好識講。我覺得人大咗就會體會到，你覺得自己做得好時，可能人哋會覺得唔好，最緊要係對方覺得你係稱職嘅伴侶先係最緊要。」

Alex在《逆天奇案2》不時會大顯廚藝，問到現實中有否和女友玩煮飯仔？他笑謂：「大家都好忙冇乜時間煮嘢食，同埋對食嘢嘅要求都好易滿足，煮熟就得。」

最新影片推介：

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5